Da bi firma bila obeštećena, mora se dokazati da menadžer nije namjerno pogriješio. Ukoliko se dokaže da je greška bila nesvjesna, štetu od propusta plaćaju osiguranja. Navodno se isplate, jer menadžeri, kako se više puta pokazalo, znaju nanijeti štete u milijardama evra.

Kako bi se zaštitili od grešaka svojih menadžera koje ih mogu stajati milione pa čak i milijarde evra, velika preduzeća zaključuju posebna osiguranja tzv. "Directors and Officers" osiguranja, odnosno "D&O".

Osiguravajuća društva tvrde da se to isplati. Koliko će osiguranje nekog menadžera stajati, zavisi o raznim faktorima – o veličini preduzeća kao i rizicima pod kojima ono posluje.

"Sklapanje jedne polise osiguranja košta mjesečno 600 evra, no može koštati i mnogo više, čak i do nekoliko miliona evra", rekao je Deutsche Welleu Marcel Roeder iz osiguravajuće firme AON.

Ako je namjerno pogriješio - ništa od novca!

No, da bi firma bila obeštećena, mora se dokazati da menadžer nije namjerno pogriješio. Ukoliko se dokaže da je greška bila nesvjesna, štetu od propusta plaćaju osiguranja.

No, ukoliko namjerno nanesu štetu, tada nekom koncernu naravno ništa ne vrijede ni najskuplje polise osiguranja, ona u tom slučaju naravno ne moraju platiti ništa, piše Deutsche Welle. Tada osiguranje mora dokazati menadžeru da je namjerno djelovao, što nije baš jednostavno.

Mark Wilhelm, advokat za osiguravajuće pravo iz Duesseldorfa tvrdi da se prema njegovom iskustvu i službenim podacima svega 20% grešaka menadžera zasniva na pogrešnoj računici, dok čak oko 80% grešaka korijene imaju u običnim, gotovo banalnim propustima.

Izvor: osigurajse.info